10 3 / 2012
Revival: Fasnacht 2012 - dr Singvogel
Aigentligg us guetem Grund fir s erscht Bänggler Revival hän mir hit am 11.03.2012 dr Singvogel gwählt.
Erschtens, meege mr ys woohrschinligg no alli an die schregglichi Katastrophe hit voreme Joor in Japan erinnere. E haiggels thema und es hän sich nid vyyl Bänggler do dra gwoggt. Dr Singvogel het das gmacht Suverän - zem noodängge und au pointiert, e gsundi mischig. Au d art und wyss wie nr das thema behandlet het. Divärsi Värs durr dr ganzi Bangg gstrayt.
Hänn Sii nit letschti Fasnacht zwüschenyynen au
am Färnseh d Bilder gluegt vom Fukushima-GAU?
Doch hütt schwätzt kain me vo däm Unfall, gross und grässlig.
Und wüsse Sii wieso? - Plutonium macht vergässlig.
Do drno hets den widder Värs mit ändere theme gha, drno widder:
Me het doch s letscht Johr der Atomusstiig beschlosse.
Will niemer wäiss, wie s goht, het me s denn liige losse.
Jä, s Doris Leuthardt lacht scho wiider unermässlig.
Und wüsse Sii wieso? - Plutonium macht vergässlig.
Zem schluss nimmt er sich den aber au no sälber e weneli uffs Korn. Wärend är scho widder vo dr Bihni lauft blibt sy Helge draager stoo und pfyfft en zrugg.
Jetzt hets doo offebaar no wyteri Helge druff.
Es duet mr läid, y glaub y han e bitz e Buff.
Es funktioniert bi mir nümm alles ganz verlässlig.
Uns wüsse Sii wieso? - Plutonium macht vergässlig.
und bringt drno no ain fir d BaZ wo… lässed dr am beschte doch sälber no nooche uff dr sydde vom Singvogel Irr findet uff dr sydde au no grad die jewyligge Helge zue de Värs.
09 3 / 2012
D Guggemuusig Stachelbeeri
aalässlig vo dr erschte Stuubede wo mit disjoor im Januar duuregfiert hän, hän mir underanderem au s vrgniege gha d Zwaierlizwigger derfe bi uns z begriesse. Sy hän is das miteme Wunderbaare Bangg vrdanggt.
Was sind iir denn für e Gugge wo mee schpugge anstatt schlugge und s denn numme no verschisse döönt
euri Muusig die isch luusig Larve Gostüüm numme gruusig und hörsch Jeede wo über dr Ander stöönt
no mee verzelle bringt jo nüt jänu also das wärs, s Gröscht vom Joor sind für Euch immer no d Zwaierlizwigger Värs
iir sind soone tolli Gugge händ bim Laufe gar kai Lugge und e jeede Doon duet richtig koo
e Larve wo duet überraage schööni Koschdüüm dien iir draage jeedi andri Gugge wäär doo drüüber froo
iir harmonieret wunderbaar und alli sind deerbi, drumm haisst die beschti Gugge in ganz Baasel Stachelbeeeri
07 3 / 2012
Beeri Laddäärne
Ych bruuch do vorne s wär nid vrkeehrt, zerscht unsere Obmaa und den dr Källerwirt.
und denne no dr Räscht vom Huffe, holt sich jetzt no schnäll ebbis z suffe.
normalerwyys, das isch nid glooge, kasch do z Basel ä jedi Clique frooge.
ä Stammbaiz z ha wär ganz normal, hesch ä kaini wirds fascht Fatal.
Worum aber unsere Källerwirt do stooht, merggsch den grad wenns ums uuspagge gooht.
Und wieso dr Roli do mues sy, gsesch no nem uuspagge gly.
Jetzt aber han ys fascht vrgässe und ihr sicher au, ych bruuch do vorne jo no mi Frau.
Fir Di min Schatz isch Symbolisch das Reeseli, ych steggs dehai den no ins (Vääsli) Heesli.
Mi Frau duet hit e Geburtsdaag begiesse, Alles gueti und due di Daag hit ganz bsunders Gniesse.
So, mr schwaife ab vom aigentligge Thema, s gooht wie gsait um e Baize Schema.
Jetzt mi liebe Herr Källerwirt, jetzt mues er ebbis schaafe nid das är sich mit sim Bier do vriirrt.
Das Paggbabbier darfsch jetzt Vorsichtig uspagge, Vorsichtig saag y fir dr näggscht wo im Käller muess Ka…. uff d Doilledde.
Das gschänggli do wo när grad usspagge duet, und das Gedicht do vor z lääse bruucht e huffe muet.
Und dorum vrliere mr nimmi vyyl Wort, e Stammbaiz isch e haimeligge Ort.
Ych hoff är isch jetzt mit uspagge duure, ych ha vor luuder schwätze scho e ganz droggeni schnuure.
Drum liebe Roli, iberraiche mir Dir do, e Stammbaiz Laddäärne, uffhängge duet se dr …. aber Du saisch wo.
Permalink 1 Anmerkung
17 2 / 2012
Auf wiedersehen im grosse Kanton
Är nimmt dr huet, wills ne guet duet, und will är goot wills schlächt um ihn stoot, är sait Adiee auf wiedersehen ich werd jetzt gehen.
Jä liebi Schwoobe do mien mir eych loobe, so tolerant wie au scharmant ihr das broblem mit em Wulff do so scheen gleest händ.
Mir händ do bi uns in letschter zyt mit so broblem anderi erfahrig gmacht.
Dr Wolf im Wallis do hets uff einmal us em Gwehr gar heftig kracht.
14 2 / 2012
Revival: d Kaffimihli
die Legendääri Kaffimyhli, wär kennt ihn nid und vorallem no immer all gegwärtig. Laider het uns dr Werner F. Vögelin im Joor 2009 im alter vo 64 gsait “Adie zämme - d Kaffimihli” und wylt sythär nim under uns.
Sy Abschied us dr Bänggler Szene het är au damals no eso richtig als Bänggler Zelebriert:
Zum Schluss sag y Adie, eso wie sichs gheert das het mi dehaim myni Mamme scho gleert E scheene Obe no empfihl y Adie zämme - d Kaffimihli!
Und ganz unvergäässlig Nodyrlig:
Drämmli, drämmli, drämmli, drämmli, drämmli, drämmli, drämmli, drämmli
Drämmli, drämmli, drämmli, drämmli, drämmli uff di wart y nämmli.
13 2 / 2012
Kaa ain nid lääse
Jä, wenn dä Grippen jetzt nid kunnt, z Bäärn ain im Bundeshyysli brummt, kai angscht dä isch nid Krank dä het aifach e lugge.
Vor ludder Bytsched duet dä drugge und e flieger duure rugge, so das me Gäld bruucht het und au no gäld kha spaare.
Mir mien uns do kai soorge mache, den dä Jet wird nid grad Grache, den wen ein nid lääse kha, kunnt doch dr Ueli Maurer zerscht no dra.
07 2 / 2012
Revival - dr Schorsch …
Unvergässlig; Ich bi dr Schorsch vom Haafebeggi II ….
Au allewyyl mit em fascht scho Obligate Papscht Värs, wär sich die nonemol in rueh will nochläse ka das uff dr Homepage vom Schorsch mache, die gsmallete Wärk vom 2001 - 2006 sin alli uff synere Hompaitsch: schorsch.ch.vu
Ych allerdings will eych do ein vom Schorsch bringe wo no e weneli älter isch, zu dääre zyt isch am TV no d Schwarzwald Klinik gloofe.
Ych ha am Samschtig znacht dr rächti Knoche broche,
uff alle viere bin in den in d Notfall kroche
Dye hän mi hai gschiggt, dr Grund isch faadeschyynig
Kai Personal, s luegt alles jetzt grad Schwarzwald Klinik.
(Quelle: schorsch.ch.vu)
06 2 / 2012
Doobbe
Dä isch doch sicherlich nid doobbed, so sesch halt us wenns Bärg uff gooht, vorallem den wenn de am moorge d Zäähn butzt hesch.
dr Christian Prudhomme maint ganz fromm, “isch waisse nixe nix davon” das an dr Tour de France mit Dooping gfahre wird.
Jä liebe Christiane jetzt muesch luege und mir wärfe dir das voor, s Doobbe hit das machsch mit flaisch gang froog dr Alberto Contador!
Permalink 1 Anmerkung
